Жывыя транспаранты. Як беларусы пратэставалі майкамі ў чарзе да ЦВК. Фотагалерэя

«Гэта тая самая Ева, якая стала сымбалем „Евалюцыі“. Я супраць таго, што адбываецца навокал». Майка з выявай карціны Хаіма Суціна «Ева» траплялася ў чарзе да ЦВК найчасьцей.

«Гэта адзіная патрыятычная майка ў маім гардэробе. Таму я ў ёй».

«Мне не падабаецца, як прыгнятаюць людзей. Футболка выказвае маё меркаваньне, асабліва тым, каму я не магу выказаць яго асабіста. Напрыклад, у транспарце, грамадзкіх месцах».

«Я проста выказваю сваю пазыцыю. Ілан Маск нам ня хлусіць, значыць, нехта іншы хлусіць нам».

«Я адмыслова надзела майку ад Mark Formelle. Мэсыдж зразумелы».

«Я ў майцы ад Symbal.by. Вырашыў падтрымаць іх у апошнія дні працы. Гэта мой пратэст, бо я не падтрымліваў манархію».

«Я думаю, надпіс на майцы сёньня вельмі актуальны».

«У нас вельмі беларускія майкі: з зубрам і шыльдай „Праспэкт Францыска Скарыны“».