Хакеры ўзламалі некалькі дзясяткаў твітэр-акаўнтаў, у тым ліку заснавальніка Microsoft Біла Гейтса, генэральнага дырэктара Tesla і заснавальніка SpaceX Ілана Маска, рэпэра Канье Ўэста, былога прэзыдэнта ЗША Барака Абамы.
Таксама ў гэтым сьпісе палітыкі Джо Байдэн і Майкл Блумбэрг, заснавальнік Amazon Джэф Бэзас. Атаку таксама зазналі афіцыйныя акаўнты кампаній Apple і Uber і крыптавалютных біржаў і выданьняў.
У акаўнтах зьявіліся аднолькавыя твіты з заклікам дасылаць біткойны на пэўныя кашалькі і абяцаньнем вярнуць крыптавалюту назад у двайным памеры. Неўзабаве твіты выдалілі, але потым апублікавалі паўторна, піша The Verge. Як паведамляе рэдактар выдання Том Ўорэн, махляры змаглі атрымаць больш за 104 тысячы даляраў.
Як хакеры атрымалі доступ да акаўнтаў, невядома.
У Twitter заявілі, што ведаюць аб праблеме і працуюць над яе ліквідацыяй.
We are aware of a security incident impacting accounts on Twitter. We are investigating and taking steps to fix it. We will update everyone shortly.
— Twitter Support (@TwitterSupport) July 15, 2020
Кіраўнік Twitter Джэк Дорсі пракамэнтаваў узлом акаўнтаў словамі «цяжкі дзень».
Tough day for us at Twitter. We all feel terrible this happened.We’re diagnosing and will share everything we can when we have a more complete understanding of exactly what happened. 💙 to our teammates working hard to make this right.
— jack (@jack) July 16, 2020