Тысячы жыхароў Бялграду вечарам 7 ліпеня зладзілі стыхійную акцыю пратэсту пасьля таго, як прэзыдэнт Сэрбіі Аляксандар Вучыч абвясьціў аб увядзеньні камэнданцкай гадзіны, каб перашкодзіць распаўсюджваньню каранавірусу, паведамляе «Медуза» са спасылкай на Reuters.
Як паведамляецца, каля 22 гадзін невялікая група пратэстуючых ўварвалася ў будынак парлямэнту Сэрбіі, але пасьля была выціснутая адтуль паліцыянтамі. Пратэстоўцы каля парлямэнту патрабавалі адстаўкі Вучыча. Для разгону прысутных паліцыя выкарыстала сьлёзацечны газ.
More than thousand people gathered in central Belgrade, blocking the streets, after Serbian president Vucic announced lock-down for the upcoming weekend due to the increased number of #COVID19 cases.Background: https://t.co/u8Zh3SrDPJ pic.twitter.com/r2V6wizClW
— Balkan Insight (@BalkanInsight) July 7, 2020
У ходзе пратэстаў пацярпелі 43 паліцыянты і 17 дэманстрантаў, паведаміў дырэктар паліцыі Бялграду Уладзімір Рэбіч. Затрыманыя 23 чалавекі, у тым ліку меркаваны арганізатар штурму парлямэнту.
Паводле пляну ўладаў Сэрбіі, жыхарам краіны забароняць пакідаць свае дамы з 18 гадзін пятніцы да 5-й раніцы панядзелка.
National Assembly in #Belgrade,#Serbia.People shouting to police"Arrest Vučić".Vučič is the president of Serbia who in may declared that #COVID19 is beaten,so that his party could organise fraudulent elections.They won,and all of a sudden,#COVID19 is alive again.#ArrestVučić pic.twitter.com/DOYgs8OYnc
— Римтутитуки (@RimtuTiRimtu) July 7, 2020
- У сямімільённай Сэрбіі паводле стану на 7 ліпеня каранавірус выявілі ў 16 168 чалавек, 330 зь іх памерлі. За апошнія суткі ў краіне зарэгістравалі 299 новых выпадкаў заражэньня і 13 сьмерцяў.
- У Сэрбіі локдаўн з прычыны каранавірусу быў адным з найбольш жорсткіх сярод усіх эўрапейскіх краін. Надзвычайнае становішча і камэнданцкая гадзіна дзейнічалі з 16 сакавіка па 7 траўня.