Прэзыдэнт Расеі Ўладзімір Пуцін падзякаваў расейцам за «падтрымку і давер» падчас галасаваньня за прапраўкі ў Канстытуцыю і папрасіў час для ўмацаваньня краіны.
Такую заяву ён зрабіў на адкрыцьці аргкамітэту «Победа», перадае ТАСС.
Паводле Пуціна, пасьля распаду СССР прайшло няшмат часу і сучасная Расея знаходзіцца ў стадыі фармаваньня. Пуцін заявіў, што дзяржава ўсё яшчэ шмат у чым неабароненая і шмат якія рэчы ў ёй зробленыя «на жывую нітку». «Нам патрэбныя ўнутраная стабільнасьць і час для ўмацаваньня краіны, усіх яе інстытутаў» — сказаў Пуцін.
2 ліпеня ЦВК РФ абвясьціла пра апрацоўку 100% пратаколаў галасаваньня па папраўках у Канстытуцыю. Паводле ЦВК, іх падтрымалі 77,92%, супраць — 21, 27%.
ГЛЯДЗІЦЕ ТАКСАМА: Ці адмовіўся Пуцін ад Беларусі?