Грамадзкія арганізацыі заклікалі спыніць перасьлед Паўла Севярынца і пакараць турэмшчыкаў, вінаватых у злоўжываньні паўнамоцтвамі.
- За ўдзел у пікетах па зборы подпісаў Паўла Севярынца сумарна асудзілі ўжо на 90 сутак
- У менскай турме на Акрэсьціна яго трымалі ў карцэры безь пітной вады і рэчаў, на знак пратэсту Севярынец парэзаў сабе руку.
Згуртаваньне беларусаў сьвету «Бацькаўшчына» і Саюз беларускіх пісьменьнікаў расцэньваюць гэтыя дзеяньні як грубае парушэньне прынцыпаў нацыянальнага заканадаўства і міжнароднага права, замацаваных у такіх дакумэнтах, як:
- Канстытуцыя Беларусі,
- Усеагульная дэклярацыя правоў чалавека,
- Міжнародны пакт аб грамадзянскіх і палітычных правах,
- Канвэнцыя ААН супраць катаваньняў і іншых жорсткіх, бесчалавечных альбо прыніжальных для годнасьці відаў абыходжаньня і пакараньня.
Грамадзкія арганізацыі патрабуюць спыніць перасьлед Севярынца, вызваліць яго з-пад варты і зьняць несправядлівыя абвінавачаньні.
Таксама яны заклікаюць улады неадкладна ініцыяваць службовае расьсьледаваньне ў дачыненьні да супрацоўнікаў ізалятара, якія дапусьцілі злоўжываньні сваімі паўнамоцтвамі, і як найстражэй пакараць вінаватых.
ГЛЯДЗІЦЕ ТАКСАМА: Севярынцу прысудзілі яшчэ 15 сутак. Сумарна — 90, зь іх 10 ужо правёў у карцары, парэзаў сабе руку ГЛЯДЗІЦЕ ТАКСАМА: Старшыня Беларускага ПЭНу Алексіевіч: «Каб мы перамаглі, кожны сёньня мусіць адолець свой страх» ГЛЯДЗІЦЕ ТАКСАМА: За паўтара месяца выбараў — 1316 сутак арышту і сотня штрафаў, суды працягваюцца. АбноўленаПрэзыдэнцкія выбары — 2020 у Беларусі. Што важна ведаць
- Шостыя ў гісторыі сувэрэннай Беларусі выбары прэзыдэнта прызначаныя на нядзелю, 9 жніўня 2020 году.
- 65-гадовы Аляксандар Лукашэнка кіруе дзяржавай 25 гадоў. Ніводныя прэзыдэнцкія выбары (2001, 2006, 2010, 2015), апроч першых (1994 год), не прызналі свабоднымі і справядлівымі на міжнародным узроўні.
- Старшыня ЦВК Лідзія Ярмошына адхіліла прапановы праваабаронцаў аб дыстанцыйных прэзыдэнцкіх выбарах у час эпідэміі COVID-19, бо «часу для прыняцьця гэтых захадаў ужо няма». Лукашэнка ня бачыў падставаў пераносіць выбары праз пандэмію.
- ЦВК зарэгістраваў 15 ініцыятыўных груп з 55 заявак.
- Аўтару YouTube-канала «Страна для жизни» Сяргею Ціханоўскаму Цэнтральная выбарчая камісія адмовіла ў рэгістрацыі ініцыятыўнай групы, бо ён адбываў 15 сутак арышту і ня мог асабіста падаць дакумэнты. Тады сваю ініцыятыўную групу ў ЦВК заявіла жонка блогера Сьвятлана Ціханоўская.
- 29 траўня на перадвыбарчым пікеце жонкі затрымалі Ціханоўскага і яшчэ 9 чалавек. Лукашэнка казаў пра акалічнасьці затрыманьня за 4 гадзіны да таго, як яно адбылося.
- 11 чэрвеня ў «Белгазпрамбанку» і шэрагу іншых кампаній прайшлі ператрусы. У Камітэце дзяржкантролю заявілі, што завялі крымінальныя справы аб легалізацыі сродкаў, атрыманых злачынным шляхам, і аб ухіленьні ад сплаты падаткаў у асабліва буйным памеры. Старшыня КДК Іван Тэртэль сьцьвярджаў, што да гэтых спраў мае дачыненьне патэнцыйны кандыдат у прэзыдэнты Віктар Бабарыка. Роўна за 4 гадзіны да заявы Дзяржкантролю Аляксандар Лукашэнка расказаў пра акалічнасьці «справы „Белгазпрамбанку“».
- 18 чэрвеня Віктара Бабарыку і яго сына, кіраўніка ініцыятыўнай групы Эдуарда Бабарыку затрымалі.
- 14 ліпеня ЦВК зарэгістраваў кандыдатамі ў прэзыдэнты Аляксандра Лукашэнку, Сьвятлану Ціханоўскую, Ганну Канапацкую, Андрэя Дзьмітрыева і Сяргея Чэрачня. Не зарэгістравалі Віктара Бабарыку і Валера Цапкалу.
- Ад пачатку выбарчай кампаніі праваабаронцы налічылі больш за 1300 затрыманых: удзельнікі «ланцугоў салідарнасьці», сябры ініцыятыўных груп, актывісты, палітыкі, блогеры, журналісты і проста мінакі на вуліцы. Сотні чалавек пакаралі адміністрацыйнымі арыштамі і аштрафавалі.