4 чэрвеня працягваліся затрыманьні і арышты актывістаў, а таксама прайшоў шэраг судоў над тымі, каго затрымалі напярэдадні, 3 чэрвеня, паведамляе «Вясна».
Па вынікаў судоў 4 чэрвеня на 15 сутак адміністрацыйнага артышту асуджаныя:
- Андрэй Зуеў, валянтэр ініцыятыўнай групы Сьвятланы Ціханоўскай з Наваполацку,
- Артур Сінега, валянтэр ініцыятыўнай групы Ціханоўскай з Наваполацку,
- Валянцін Троцкі, актывіст «Народнай Грамады» зь Менску,
- Алесь Круткін, блогер, актывіст грамадзянскай кампаніі «Эўрапейская Беларусь» (на 22 чэрвеня прызначаны разгляд новай справы супраць Круткіна).
4 чэрвеня ў Менску таксама разгледзелі адміністрацыйную справу супраць актывіста Сяргея Мацкойця. Прысуд праваабаронцам невядомы, але вядома, што Макойць цяпер знаходзіцца ў Цэнтры ізаляцыі правапарушальнікаў на Акрэсьціна. Ягоную жонку Алену па тэлефоне настойліва запрашаюць наведаць аддзяленьне міліцыі, яна не пагаджаецца.
ГЛЯДЗІЦЕ ТАКСАМА: 195 затрыманых, 719 сутак арышту, больш за 60 тысяч рублёў штрафаў і — перасьлед беларусаў за травень у лічбах4 чэрвеня стала вядома пра затрыманьне:
- журналісткі тэлеканалу «Белсат» Алены Дубовік і апэратара Алеся Баразенкі ў Бабруйску,
- валянтэра ініцыятыўнай групы па зборы подпісаў за Сьвятлану Ціханоўскую Ўладзімера Кнігі і каардынатаркі ініцыятыўнай групы Вольгі Каракінай у Горадні,
- аўтара Youtube-каналу «Мозырь для жизни» Аляксандра Цуканава ў Мазыры.
Паводле відавочцаў, аўтобус з супрацоўнікамі міліцыі дзяжурыць каля дому, дзе знаходзяцца актывісты «Эўрапейскай Беларусі» Міхаіл Бандарэнка і Дзьмітры Чарняк. Пра «засаду» каля свайго дому піша ў Фэйсбуку Вольга Мікалайчык.