Прэзыдэнт Эўрапейскіх алімпійскіх камітэтаў (EOC) Янэз Качыянчыч памёр 1 чэрвеня пасьля «бітвы супраць раптоўнай і цяжкай хваробы», паведамляецца на сайце камітэтаў.
Янэзу Качыянчычу было 78 гадоў. Ён быў выбраны восьмым прэзыдэнтам EOC у 2017 годзе, да таго чатыры гады быў віцэ-прэзыдэнтам, а ў 1991–2014 гадах кіраваў Алімпійскім камітэтам Славеніі.
Спачуваньні родным і блізкім Качыянчыча выказалі сярод іншых Нацыянальны алімпійскі камітэт Беларусі і Аляксандар Лукашэнка.
Сам Качыянчыч наведваў Беларусь у час Эўрапейскіх гульняў у 2019 годзе, выступаў на беларускай мове на цырымоніі адкрыцьця.