Міністэрства гандлю ЗША ўнесла ў «чорны сьпіс» 33 кітайскія кампаніі і ўрадавыя арганізацыі. Адпаведныя санкцыйныя сьпісы зьявіліся 22 траўня на сайце міністэрства.
Восем кампаній і Інстытут судовай экспэртызы Міністэрства грамадзкай бясьпекі КНР апынуліся пад санкцыямі з прычыны ўдзелу ў «кампаніі рэпрэсіяў і масавых незаконных затрыманьняў» ў дачыненьні да ўйгураў і іншых мусульманскіх меншасьцяў. Астатнія кампаніі і арганізацыі ЗША падазрае ў дзейнасьці, якая можа пагражаць нацыянальнай бясьпекі краіны і стварэньні зброі масавага паражэньня.
Ўсім кампаніям, занесеным у чорны сьпіс, забаронена экспартаваць тавары і тэхналёгіі з ЗША.
Напружанасьць паміж ЗША і Кітаем расьце пасьля абвінавачваньняў ва ўтойваньні інфармацыі пра каранавірус, якія прэзыдэнт ЗША Дональд Трамп высунуў супраць Пэкіну.
ГЛЯДЗІЦЕ ТАКСАМА: ЗША ўвялі санкцыі супраць 28 кітайскіх арганізацый і фірмаў ГЛЯДЗІЦЕ ТАКСАМА: Спэцслужбы Кітаю папярэдзілі аб жорсткай канфрантацыі паміж Пэкінам і Захадам з прычыны каранавірусу