Жыхара Ліды Аляксея Борматава затрымалі і асудзілі ў судзе Лідзкага раёну 15 траўня.
Суд прызнаў мужчыну вінаватым ва ўдзеле ў недазволенай масавай акцыі — сустрэчы з блогерам Сяргеем Ціханоўскім, аўтарам Youtube-каналу «Страна для жизни». Борматаў атрымаў 15 сутак арышту. Пра гэта Свабодзе паведаміў лідзкі актывіст Дзяніс Рудзевіч.
Раней у Лідзе асудзілі яшчэ 6 чалавек, якія прыходзілі на сустрэчу з блогерам Ціханоўскім:
- Паўла Палейчыка, фэльчара станцыі хуткай дапамогі — на 7 сутак;
- Алега Краўцова, фэльчара станцыі хуткай дапамогі — на 7 сутак;
- Андрэя Паляковіча — на 7 сутак;
- Максіма Палонскага — на 7 сутак;
- Генадзя Паўлюкевіча — да штрафу ў 270 рублёў;
- Паўла Анціпкіна — на 15 сутак.
Усяго ў розных гарадах Беларусі асудзілі больш як 100 чалавек на арышт і штрафы за ўдзел у сходах, на якія прыяжджаў Ціханоўскі. Сярод іх 2 мэдыкі і 5 журналістаў. Паводле інфармацыі праваабарончага цэнтру "Вясна, судовы маратон закрануў Менск, Віцебск, Гомель, Магілёў, Бабруйск, Воршу, Паставы, Полацак, Наваполацак, Глыбокае, Вілейку, Горадню, Ліду, Берасьце, Мазыр, Жлобін, Мар’іну Горку.