«Беларусбанк» прыпыніў выдачу крэдытаў фізычным асобам на куплю жыльля на другасным рынку, набыцьцё аўтамабіляў і рэфінансаваньне.
Як паведамляюць на сайце фінансавай установы, мера носіць часовы характар.
ГЛЯДЗІЦЕ ТАКСАМА: Нацбанк занепакоіўся «спробамі ўцягнуць усю Беларусь у растэрміноўку». І адрэагаваўУ прыватнасьці, банк прыпыніў прыём крэдытных заявак на рэфінансаваньне «Ўдалае абнаўленьне», на набыцьцё новых аўтамабіляў, за выключэньнем Geely беларускай зборкі ў рамках праграмы «БелДжы», а таксама спажывецкіх крэдытаў на картку паводле дамоваў аб супрацоўніцтве з арганізацыямі гандлю і сэрвісу.
Заяўкі, якія паступілі да 1 траўня, будуць разгледжаныя на ранейшых умовах.
ГЛЯДЗІЦЕ ТАКСАМА: Беларусы вінныя банкам 14,8 мільярдаў рублёў. У сакавіку прырост быў максымальны за апошнія месяцыПаводле фінансавых аналітыкаў, спыненьне крэдытных праграмаў абумоўлена нестабільным курсам беларускага рубля. Ва ўмовах істотнага абясцэньваньня нацыянальнай валюты банкаўскі сэктар і раней ішоў на падобныя абмежавальныя крокі.
Акрамя «Беларусбанка», пра згортваньне праграмаў з забудоўшчыкамі ці прыпыненьне крэдытных ліній на жыльлё таксама заявілі «БПС-Сбербанк», «Франсабанк» ды некаторыя іншыя.