13 красавіка а 16-й гадзіне ў Дзяржаўным музэі гісторыі беларускай літаратуры ў межах праекту «Чытаем клясыку разам» пачнецца онлайн-чытаньне раману Ўладзімера Караткевіча «Каласы пад сярпом тваім», прымеркаванае да 90-годзьдзя з дня нараджэньня пісьменьніка, паведамляе сайт музэю.
Падтрымаць акцыю адгукнуліся вядомыя артысты, культурныя і грамадзкія дзеячы, журналісты і бізнэсоўцы Беларусі. Сутнасьць яе ў тым, што кожны з удзельнікаў на працягу двух тыдняў прачытае па адным з разьдзелаў вядомага рамана пісьменьніка.
Чытаньне рамана будзе праходзіць у залях музэю на вул. М.Багдановіча, 13, а паглядзець і паслухаць яго можна будзе на YouTube-канале музэю альбо знайсьці ў сацыяльных сетках у Facebook, УКантакце і Instagram.
Трансьляцыі будуць весьціся штодня па 29 красавіка.
ГЛЯДЗІЦЕ ТАКСАМА: 20 незвычайных фактаў пра Ўладзімера Караткевіча