Расея распрацоўвае прататыпы вакцынаў для прафіляктыкі эпідэміі COVID-19, гаворыцца на сайце «Роспотребнадзора».
Сьцьвярджаецца, што дасьледчыкам удалося стварыць вакцыны як на аснове вірусных вэктараў грыпу, адру і стаматыту, так і на аснове сынтэтычных тэхналёгій.
ГЛЯДЗІЦЕ ТАКСАМА: Каранавірус: Сусьветная арганізацыя здароўя дае парады і разбурае мітыЯк адзначаецца ў паведамленьні, пры распрацоўцы новых вакцынаў абавязкова трэба правесьці папярэднія выпрабаваньні на адчувальных лябараторных жывёлах — мышах, пацуках, тхарах і ніжэйшых прыматах. Неабходна вызначыць найбольш эфэктыўную дозу і разавасьць увядзеньня вакцыны, спосаб і схэму вакцынацыі.
Практычныя дасьледаваньні пачаліся 16 сакавіка. У іх рамках навукоўцы пакінуць найбольш пэрспэктыўныя і бясьпечныя прататыпы. У прыватнасьці, трэба будзе вызначыць склад, дозу, спосаб увядзеньня вакцыны. Паводле аптымістычных плянаў, запуск прэпарату магчымы ў чацьвёртым квартале 2020 году.
ГЛЯДЗІЦЕ ТАКСАМА: Як сьвет шукае лек ад новага каранавірусуПаратунак ад небясьпечнай хваробы шукаюць і ў іншых краінах сьвету — Кітаі, Ганконгу, Японіі, ЗША, Аўстраліі.