У сувязі з уведзеным у Літве карантынам спыняецца рух міжнародных пасажырскіх цягнікоў, паведамляе дзяржаўная чыгуначная кампанія «Lietuvos geležinkeliai».
«Ад 00.00 16 сакавіка спыняюцца ўсе маршруты міжнародных пасажырскіх цягнікоў», — паведамляе кампанія.
ГЛЯДЗІЦЕ ТАКСАМА: Літва ўводзіць карантын. Што будзе забароненаЧасова перастануць езьдзіць цягнікі маршрутаў Беласток — Коўна — Беласток, Вільня — Менск — Вільня.
Маршрут Вільня — Ігналіна — Турмантас — Дзьвінск (Даўгаўпілс) будзе езьдзіць да станцыі Турмантас. Таксама спыняецца «цягнік чатырох сталіц» маршруту Кіеў- Менск — Вільня — Шаўлі — Рыга.
Транзытныя цягнікі будуць працягваць рух празь Літву, аднак ад панядзелка высадка і пасадка пасажыраў на Віленскім чыгуначным вакзале будзе забароненая.