Швэдзкая экалягічная актывістка Грэта Тунбэрг абвясьціла, што ў сувязі з пандэміяй каранавіруснай інфэкцыі ў гэтую пятніцу ня будзе традыцыйных масавых акцый школьнікаў і студэнтаў з мэтай зьвярнуць увагу на пагрозы, зьвязаныя са зьменамі клімату.
Замест масавых «школьных страйкаў» на вуліцах Тунбэрг запрапанавала правесьці іх у інтэрнэце, паклікаўшы актывістаў публікаваць свае фатаграфіі з плякатамі і хэштэгамі, прысьвечанымі кліматычнай пагрозе.
School strike week 82. In a crisis we change our behaviour and adapt to the new circumstances for the greater good of society.Join the #DigitalStrike - post a pic of you with a sign and use #ClimateStrikeOnline ! #schoolstrike4climate #fridaysforfuture #climatestrike #COVIDー19 pic.twitter.com/fZkjqN3DOw
— Greta Thunberg (@GretaThunberg) March 13, 2020
«Школьныя страйкі», ініцыятарам якіх стала Тунбэрг, праводзяцца ўжо 82-ы тыдзень. Актывістка заклікае школьнікаў і студэнтаў па пятніцах не хадзіць на вучобу, каб зьвярнуць увагу старэйшага пакаленьня на экалягічныя праблемы. З адзіночнага пікету ля будынка парлямэнту Швэцыі яны перарасьлі ў глябальны рух, а сама Тунбэрг, якой цяпер 17 гадоў, стала сусьветна вядомай.
ГЛЯДЗІЦЕ ТАКСАМА: У Давосе Грэта Тунбэрг паспрачалася з Дональдам Трампам. ЗавочнаНа мінулым тыдні Тунбэрг удзельнічала ў масавым маршы за клімат у Брусэлі. Гэта выклікала крытыку ў сацсетках, камэнтатары зазначалі, што арганізацыя масавых мерапрыемстваў падчас эпідэміі каранавіруснай інфэкцыі небясьпечная. За мінулы тыдзень шэраг краінаў абмежавалі правядзеньне масавых акцыяў.
У самой Швэцыі, паводле апошніх дадзеных, больш за 700 чалавек заразіліся каранавірусам, адзін чалавек памёр.