Адну клясу менскай гімназіі перавялі на індывідуальнае навучаньне

У Менску 13 сакавіка на індывідуальнае навучаньне перавядуць адну клясу гімназіі № 2, піша Міністэрства аховы здароўя.

Прычына: правядзеньне эпідэмічнага расьсьледаваньня.

За гадзіну да паведамленьня Мінздароўя, дырэктар гімназіі № 20 Леанід Абрамаў сказаў Свабодзе, што «ня чуў» такой інфармацыі.

«Мы як і ўсе баімся як і ва ўсім сьвеце. Але нічога такога я ня чуў», — сказаў дырэктар гімназіі № 20.

На пытаньне ці скарачаюцца ўрокі Абрамаў сказаў, што «усё як ёсьць».

Невядомы раней вірус выявілі ў кітайскім горадзе Ўхань у сьнежні 2019 году.
Афіцыйнай назвай хваробы ад новага каранавірусу з Кітаю стала COVID-19 (coronavirus disease).
Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг.