Падзеі 7 сакавіка ў беларускай і сусьветнай гісторыі.
Дата дня
7 сакавіка 1938 году нарадзіўся Міхась Чарняўскі, беларускі гісторык, археоляг, пісьменьнік, дзяяч незалежніцкага руху. Памёр у 2012 г.
Таксама ў гэты дзень
1924 — Прэзыдыюм ЦВК СССР зацьвердзіў пастанову «Аб аб’яднаньні ў складзе БССР усіх тэрыторыяў з большасьцю беларускага насельніцтва».
1967 — у СССР увялі пяцідзённы рабочы тыдзень.
1985 — Віцебскі абласны суд асудзіў Міхася Кукабаку паводле артыкула «Антысавецкая прапаганда і агітацыя» на 6 гадоў пазбаўленьня волі.
Міхась Кукабака, архіўнае фота
2008 — Беларусь адклікала свайго пасла з ЗША і парэкамэндавала паслу ЗША пакінуць Менск. Гэта стала рэакцыяй на амэрыканскія санкцыі, у першую чаргу — супраць «Белнафтахіму».
У гэты дзень нарадзіліся
1753 — Тамаш Ваўжэцкі, адзін з кіраўнікоў паўстаньня 1794 году.
1850 — першы прэзыдэнт чэхаславацкай дзяржавы Томаш Гарыг Масарык.
1872 — Васіль Залатароў, беларускі кампазытар, аўтар балету «Князь-возера.
У памяці
1931 — памёр Павал Дземідовіч, дасьледчык беларускай этнаграфіі і фальклёру.
1983 — памёр Антон Сокал-Кутылоўскі, вайсковы і грамадзкі дзеяч, адзін з кіраўнікоў антысавецкага Слуцкага паўстаньня, вязень ГУЛАГу.