Цэнтральная выбарчая камісія Таджыкістану 2 сакавіка абвясьціла кіроўную Народна-дэмакратычную партыю пераможцам выбараў у ніжнюю палату парлямэнту, якія адбыліся 1 сакавіка.
Пра гэта паведамляе таджыцкая служба Радыё Свабода.
Адзіная апазыцыйная сіла — Сацыял-дэмакратычная партыя Таджыкістану — ня трапіла ў парлямэнт.
Паводле афіцыйных зьвестак, яўка выбарцаў склала больш за 86%, а кіроўная Народна-дэмакратычная партыя набрала 50,4% галасоў.
У ніжнюю палату парлямэнту Таджыкістану абіраюць 63 дэпутатаў.
Міжнародныя назіральнікі, у тым ліку АБСЭ, заходнія ўрады і арганізацыі дагэтуль не прызналі ніводныя выбары ў Таджыкістане празрыстымі, справядлівымі і адпаведнымі дэмакратычным стандартам.