Аляксандар Лукашэнка ня бачыць неабходнасьці закрываць межы з-за зьяўленьня каранавірусу ў краіне. Па яго словах, іншыя ўжо спрабавалі гэта зрабіць, але нічога не атрымалася.
«Ну зачыніце межы — і што? Былі ўжо зачыненыя — і сёньня ўвесь сьвет заразіўся каранавірусам. Пры такіх глябальным зносінах гэта пустое. Мы ўскладнім адносіны з галоўнымі нашымі партнэрамі — Кітаем, Расеяй... Ну як з Расеяй закрыць мяжу? Таму трэба на месцы спакойна працаваць па ўсіх напрамках», — вынікае зь сюжэту, паказанага на тэлеканале АНТ.
ГЛЯДЗІЦЕ ТАКСАМА: Каранавірус: Улады Беларусі ня бачаць падставаў для закрыцьця межаўПры гэтым Лукашэнка пахваліў мэдыкаў за тое, што тыя ўсё робяць «бяз шуму і гвалту».
«Нашым лекарам трэба дзякуй сказаць. Ні межы не закрываюць, ні гвалтам не крычаць, ні шуму, ні пылу. Робім усё тое, што робяць у тым жа Кітаі», — адзначыў ён.
ГЛЯДЗІЦЕ ТАКСАМА: Іранскі студэнт з каранавірусам вучыцца ў БНТУ, студэнтаў пераводзяць на індывідуальную праграмуТаксама Лукашэнка сказаў, што абазнаны пра сытуацыю з іранскім студэнтам, у якога пацьвердзіўся небясьпечны вірус.
«Прыехаў сюды, тэмпэратура 37,3, пачырваненьне ў горле, ні кашлю, нічога. Кажу: у нас ёсьць месца, давайце яго паназіраем... Нармальна да гэтага людзі ставяцца. Ціха, спакойна, робім тое, што робяць усе», — падсумаваў Лукашэнка.