На поўдні Лёндана паліцыя застрэліла мужчыну падчас інцыдэнту, які, па словах паліцыянтаў «зьвязаны з тэрарызмам». Лёнданская паліцыя заявіла, што некалькі чалавек падвергліся нападу і атрымалі раненьні.
Абставіны здарэньня ўдакладняюцца. Брытанская прэса называе інцыдэнт тэрактам.
На фота і відэа зь месца інцыдэнту – машыны надзвычайных службаў. Карыстальнікі сацсетак паведамляюць, што над месцам здарэньня лётаюць верталёты. Узброеныя паліцыянты ачапілі раён інцыдэнту.