Кобі Браянт, легендарны баскетбаліст, былы абаронца клюбу «Лос-Анджэлес Лэйкерс», загінуў у авіякатастрофе ў Каліфорніі.
Як паведамляе амэрыканская прэса, зь ім загінула 13-гадовая дачка.
Верталёт, у якім знаходзіўся Браянт з дачкой і яшчэ тры чалавекі, разьбіўся на поўначы ад Лос-Анджэлеса.
#Update Downed aircraft is a helicopter. Flames extinguished. #Malibu deputies at crash site looking for survivors, 4200 blk Las Virgenes Rd #Calabasas #LASD pic.twitter.com/eixLhGhLyE
— LA County Sheriffs (@LASDHQ) January 26, 2020
Браянт (рост 198 см) гуляў у пазыцыі абаронцы, у сярэднім за кар’еру набіраў 25 пунктаў за гульню. У сваёй самай выніковай гульні 22 студзеня 2006 году супраць «Рэптарс» набраў 81 пункт — неверагоднае дасягненьне ў сучасным баскетболе.
Двойчы Браянта прызнавалі самым каштоўным гульцом фінальнай сэрыі НБА, і адзін раз — самым каштоўным гульцом рэгулярнага чэмпіянату.
У складзе нацыянальнай зборнай ЗША Браянт двойчы выгульваў золата Алімпійскіх гульняў.
Чакаецца, што неўзабаве Браянт будзе ўведзены ў Залю славы НБА (па правілах, пасьля заканчэньня карʼеры да ўключэньня павінна прайсьці некалькі гадоў).
У 2018 годзе ён атрымаў прэмію «Оскар» за спрадусаваны ім кароткамэтражны мультфільм «Дарагі баскетбол». Амэрыканскі часопіс Sports Illustrated уключаў яго ў пяцёрку найлепшых спартоўцаў дзесяцігодзьдзя.
Laker fans are gathering outside the Staples Center to pay tribute to Kobe Bryant following reports of his death (📸: Frederic J. Brown/Getty Images) pic.twitter.com/xRZpd7nz2n
— BuzzFeed News (@BuzzFeedNews) January 26, 2020