Дваіх грамадзян Беларусі 23 студзеня дэпартавалі з Турэччыны на радзіму, паведаміла ў Tвітэры Міністэрства ўнутраных спраў Турэччыны.
МУС Турэччыны падазрае іх у сувязі з тэрарыстычнымі арганізацыямі, беларусы названыя «баевікамі-тэрарыстамі».
Yabancı Terörist Savaşçıların (YTS) ülkelerine iadelerine devam edilmektedir. Bu kapsamda bugün Belarus uyruklu 2️⃣ YTS, ülkesine sınır dışı edildi. 11 Kasım 2019 tarihinden bugüne kadar ülkesine iade edilen YTS sayısı 1⃣9️⃣5️⃣ olmuştur.❗Kamuoyuna saygıyla duyurulur
— T.C. İçişleri Bakanlığı (@TC_icisleri) January 23, 2020
Начальнік Дэпартамэнту па грамадзянстве і міграцыі Міністэрства ўнутраных спраў Беларусі палкоўнік Аляксей Бягун сказаў Свабодзе, што сумняецца, што высланыя людзі былі зьвязаныя з тэрарыстамі.
«Мы яшчэ правядзем праверку, але я сумняюся, што гэтыя людзі былі зьвязаныя з тэрарыстамі і з „Ісламскай дзяржавай“. Турэччына цяпер высылае ўсіх спрэс», — сказаў Аляксей Бягун.
Паводле яго, 24 студзеня МУС Беларусі праз прэс-сакратара зробіць афіцыйную заяву.
МЗС Беларусі пацьвердзіў Свабодзе, што двое грамадзян Беларусі сапраўды дэпартаваныя, ведамства аказвала судзеяньне ў ажыцьцяўленьні фармальных працэдур.
З 11 лістапада 2019 году Турэччына анансавала пачатак дэпартацыі баевікоў тэрарыстычнай групоўкі «Ісламская дзяржава» ў краіны іх паходжаньня. Пасьля гэтага, паводле МУС Турэччыны, з краіны ўжо выслалі 195 замежнікаў.