Затрыманы падазраваны ў забойстве жанчыны, канцавіны якой днямі знайшлі ў Сьвіслачы. Пра гэта ў сваім Telegram-канале паведаміла прэс-сакратарка МУС Вольга Чамаданава.
ГЛЯДЗІЦЕ ТАКСАМА: Міліцыя выявіла асобу жанчыны, чые парэшткі знайшлі ў Сьвіслачы«Сёньня ўначы супрацоўнікі ўпраўленьня крымінальнага вышуку ГУУС Менгарвыканкаму пры сілавой падтрымцы байцоў спэцпадразьдзяленьня „Алмаз“ у Віцебску затрымалі 26-гадовага замежніка. Ён падазраецца ў забойстве жанчыны, парэшткі якой выяўленыя ў рацэ Сьвіслач 2 студзеня», — праінфармавала прадстаўніца ведамства.
Са слоў затрыманага, 28 сьнежня 2019 году паміж ім і загінулай, у якой ён часова пражываў у Менску, адбыўся канфлікт, у выніку якога мужчына задушыў 37-гадовую гаспадыню кватэры.
ГЛЯДЗІЦЕ ТАКСАМА: Чаму ў кватэры былога сьледчага і праваабаронцы Алега Воўчака правялі ператрус. ФОТААдкуль іншаземец прыехаў у Беларусь — не паведамляецца. Толькі гаворыцца, што раней фігурант справы да крымінальнай адказнасьці не прыцягваўся.
Дагэтуль у Менску прайшлі ператрусы ў кватэры былога сьледчага і праваабаронцы Алега Воўчака.