Папа Рымскі Францішак ўдарыў па руцэ жанчыну, якая паспрабавала ўтрымаць яго далонь падчас сустрэчы з вернікамі ў Ватыкане. Відэазапіс распаўсюдзіў тэлеканал CBS.
На запісе відаць, як Францішак паціскае рукі некалькім прысутным на плошчы Сьвятога Пятра. Адна жанчына нешта кажа і раптам спрабуе рэзка пацягнуць руку пантыфіка на сябе; той спрабуе вырвацца, пасьля чаго б’е жанчыну далоньню па руцэ. Затым паміж імі стаў ахоўнік.
NOPE FROM THE POPE: While greeting people in St. Peter%27s Square on New Year%27s Eve, Pope Francis had to pull himself away from a woman who grabbed his hand and yanked him toward her. https://t.co/umkpOnbbX6 pic.twitter.com/0XzxtWTMUd
— CBS News (@CBSNews) December 31, 2019
Пазьней, падчас выступу, пантыфік папрасіў прабачэньня:
«Усе мы нярэдка губляем цярпеньне. Такое бывае і са мной. Я прашу прабачэння за тое, што падаў дрэнны прыклад», — сказаў ён, звяртаючыся да вернікаў.
Напярэдадні новага году Францішак падчас вечаровай службы ў Саборы Сьвятога Пятра заклікаў царкву «кінуцца ў самае пекла» і стаць бліжэй да народу.
Сваю першую службу ў 2020 годзе Папа Рымскі пачаў з асуджэньня гвалту супраць жанчын, заклікаўшы паважаць і ўшаноўваць жаночае цела, а ня класьці яго «на алтар рэклямы, прыбытку і парнаграфіі».