Прэзыдэнты Расеі і Ўкраіны правялі тэлефонную размову і павіншавалі адзін аднаго з набліжэньнем сьвятаў. Адной з галоўных тэм перамоваў стала ўзгадненьне новых сьпісаў на абмен ўтрымліваных асобаў.
Гаворка, у тым ліку, ішла аб зьняволеных украінцах у анэксаваным Крыме і крымчанах, якія ўтрымліваюцца ў месцах пазбаўленьня волі на тэрыторыі Расеі. Пра гэта паведаміў офіс Зяленскага.
ГЛЯДЗІЦЕ ТАКСАМА: Украіна пачала абмен палоннымі з сэпаратыстамі. ФОТАЛідэры дзяржаваў таксама віталі заключэньне кантракту на транзыт расейскага газу праз тэрыторыю Ўкраіны, падпісанага 30 сьнежня.
«Прэзыдэнты абмяняліся віншаваньнямі з нагоды Новага году. Выказаліся за разьвіцьцё расейска-ўкраінскіх адносін у 2020 годзе», — гаворыцца ў прэс-рэлізе Крамля. Прэс-служба удакладніла, што тэлефонная размова адбылася з ініцыятывы ўкраінскага боку.
ГЛЯДЗІЦЕ ТАКСАМА: Былыя беркутаўцы, абвінавачаныя ў расстрэле Майдану, вызваленыя з-пад варты29 сьнежня адбыўся абмен ўтрымліванымі асобамі паміж Кіевам і Данбасам. Сэпаратысты вызвалілі 76 чалавек, Украіна адправіла на непадкантрольную тэрыторыю 124 зьняволеных. Пры гэтым Кіеў настойвае, што сэпаратысты ўтрымліваюць яшчэ каля 300 чалавек.
У верасьні прайшоў вялікі абмен вязьнямі і ўтрымліванымі асобамі паміж Расеяй і Ўкраінай. Тады Кіеў і Масква вызвалілі па 35 чалавек з кожнага боку.
Паводле інфармацыі на сайце Крамля, Пуцін не віншаваў прэзыдэнтаў Украіны з Новым годам апошнія шэсьць гадоў. Папярэдняе віншаваньне ён накіраваў у сьнежні 2013 году Віктару Януковічу.