Адзін з падазраваных у справе аб забойстве журналіста Паўла Шарамета Андрэй Антоненка падаў пазоў у суд аб абароне гонару, годнасьці і дзелавой рэпутацыі.
Заявы пададзеныя на прэзыдэнта Ўладзіміра Зяленскага, міністра ўнутраных спраў Арсэна Авакава, генэральнага пракурора Руслана Рабашапку і першага намесьніка старшыні Нацыянальнай паліцыі — начальніка крымінальнай паліцыі Яўгена Каваля аб абароне гонару і годнасьці. Пра гэта 20 сьнежня ў фэйсбуку паведаміў ягоны адвакат Сьвятаслаў Жарноўнікаў.
Абаронца таксама апублікаваў копію пазоўнай заявы.
ГЛЯДЗІЦЕ ТАКСАМА: Справа Шарамета: падазраваны падзякаваў маці журналіста, настойвае на сваёй невінаватасьціУ заяве ўказана, што ў час брыфінгу 12 студзеня, на якім выступалі ўсе пералічаныя ў пазове адказьнікі, «было праяўлена поўнае грэбаваньне да прынцыпу прэзумпцыі невінаватасьці і цалкам разьбіты прынцып недатыкальнасьці гонару і годнасьці грамадзяніна і чалавека, прадугледжаныя Канстытуцыяй Украіны.
Трэцяй асобай у пазове значыцца тэлеканал «Украіна».
ГЛЯДЗІЦЕ ТАКСАМА: «Велічнасьць арыйскай расы? У мяне дзед — польскі габрэй». Пад варту ўзялі трэцяга падазраванага ў забойстве Паўла Шарамета