Прэзыдэнт Беларусі Аляксандр Лукашэнка падпісаў указ № 423 «Аб мадэльнай дзейнасьці», — паведамляе БелТА са спасылкай на прэс-службу кіраўніка дзяржавы.
Дакумэнт накіраваны на разьвіцьцё ў краіне мадэльнай дзейнасьці, а таксама стварэньне ўмоў для ўдасканаленьня работы Нацыянальнай школы прыгажосьці. Прававыя асновы рэгуляваньня гэтай сфэры ў Беларусі ствараюцца ўпершыню, адзначылі ў прэс-службе.
ГЛЯДЗІЦЕ ТАКСАМА: «Я хацела б, каб яна была проста шчасьлівай жанчынай». Настаўніца пра Марыю ВасілевічПравілы, якія рэгулююць падбор, навучаньне і працаўладкаваньне мадэляў, у тым ліку непаўналетніх, і іншыя пытаньні мадэльнай дзейнасьці будуць вызначаныя ўрадам.
«Указ накіраваны на абарону правоў і законных інтарэсаў удзельнікаў мадэльнай дзейнасьці, папулярызацыю беларускай моды», — цытуе БелТА прэс-службу Аляксандра Лукашэнкі.
ГЛЯДЗІЦЕ ТАКСАМА: Змагаецца з эфэбіфобіяй. Сайт «Міс сусьвет» расказаў пра кандыдатку Васілевіч