Дзяўчына, якую зьнялі на відэа са стосам паперы каля урны на берасьцейскім выбарчым ўчастку, кажа, што ў яе руках быў утрая складзены бюлетэнь.
13 лістапада назіральнік Юры Вашчанчук зьняў відэа на ўчастку № 37 Берасьцейскай-Усходняй акругі № 3 у Берасьці. На відэа дзяўчына, трымаючы ў руках стос паперы, падыходзіць да скрыні для галасаваньня. Калі назіральнік просіць яе паказаць, колькі ў яе ў руках бюлетэняў, яна моўчкі разварочваецца і хутка сыходзіць.
ГЛЯДЗІЦЕ ТАКСАМА: Дзяўчына спрабуе закінуць некалькі бюлетэняў у скрыню для галасаваньня. ВІДЭАДаволі хутка ў сацыяльных сетках і мэсэнджэрах зьявіліся яе імя і прозьвішча, а таксама месца працы. Завуць яе Анастасія К. Партал БрестСИТИ цытуе яе камэнтар:
«Я прыйшла прагаласаваць датэрмінова, гэта маё права. І зусім не чакала, што нехта будзе размаўляць са мной такім тонам. У мяне быў у руках ўтрая складзены бюлетэнь. Гэта не забаронена. І я не павінна нічога тлумачыць. Я дагэтуль не магу прыйсьці ў сябе. Я сапраўды спалохалася, таму і пайшла. Непрыемна вельмі, што мяне абвінавачваюць у тым, чаго я не рабіла».
ГЛЯДЗІЦЕ ТАКСАМА: «Гэта ўсё адсочваецца». Як куратарка БДЭУ прымушае студэнтаў да датэрміновага галасаваньня. ВІДЭА