Ад 22 кастрычніка Рассельгаснагляд забараніў пастаўкі ў Расею малочнай прадукцыі беларускай кампаніі «Бабушкіна крынка» і Полацкага малочнага камбінату, а таксама ўзяў на ўзмоцнены кантроль «Санта-Брэмар» і яшчэ чатыры кампаніі.
У прадукцыі «Бабушкінай крынкі» паўторна выявілі ў сухім малацэ астаткі антыбіётыка цілміказіна, а ў кефіры Полацкага малочнага камбінату — паўторную неадпаведнасьць колькасьці дрожжаў.
За паўторныя парушэньні ўзялі на ўзмоцнены лябараторны кантроль
- Гомельскі бялкова-тлушчавы завод (у сьвіной мясакоснай муцэ знайшлі ДНК курыцы і буйной рагатай жывёлы),
- кампанію «Санта-Брэмар» (у фарэлі знайшлі фіялетавы фарбавальнік),
- «ЭкспартАльфаГруп» (у паўфабрыкатах зь ялавічыны знайшлі бактэрыі Listeria monocytogenes),
- Калінкавіцкі масласыразавод (у сыравадкавых бялках знайшлі бактэрыі кішэчнай палачкі).
«Санта-Брэмар» ужо бралі на ўзмоцнены кантроль — Рассельгаснагляд публікаваў такое рашэньне 14 кастрычніка ў сувязі з выяўленьнем у іхнай фарэлі бактэрыяў Listeria monocytogenes.
ГЛЯДЗІЦЕ ТАКСАМА: Зь Беларусі ў Расею спрабавалі завезьці яблыкі пад выглядам рызьзя, а таксама рогі лася і аленяМіж Беларусьсю і Расеяй ужо доўга працягваюцца спрэчкі наконт экспарту беларускай прадукцыі, якія называюць «малочнымі» і «мяснымі» войнамі.
Расея часта выказвае прэтэнзіі да якасьці беларускай малочнай і мясной прадукцыі і рэгулярна ўводзіць абмежаваньні на пастаўкі малочнай і мясной прадукцыі зь беларускіх прадпрыемстваў. Беларускі бок называе прэтэнзіі расейскага (якія тычацца ня толькі якасьці прадукцыі, але і незаконнага рээкспарту) неабгрунтаванымі. Прычыны «малочных войнаў» нярэдка называлі палітычнымі).
ГЛЯДЗІЦЕ ТАКСАМА: Беларусь не ў прыярытэце. Масква адказвае Менску на «малочныя» папрокі ГЛЯДЗІЦЕ ТАКСАМА: «Малочная вайна» Расеі зь Беларусьсю: нізкая якасьць прадукцыі ці замах на перапрацоўчыя прадпрыемствы?У першым квартале 2019 году экспарт беларускага малака і вяршкоў, ялавічыны, а таксама каўбас ў Расею зьнізіўся на 15-30%. Усе пастаўкі малочнай прадукцыі зь Беларусі знаходзяцца на ўзмоцненым лябараторным кантролі з боку Рассельгаснагляду.
ГЛЯДЗІЦЕ ТАКСАМА: Экспарт беларускай мяса-малочнай прадукцыі ў Расею ўпаў на 15-30%Акрамя гэтага, Рассельгаснагляд час ад часу абвінавачвае Беларусь у пастаўках на расейскі рынак прадуктаў, вырабленых у Эўропе і забароненых для ўвозу ў Расею праз санкцыі. У 2014 годзе, пасьля акупацыі Крыму, у адказ на санкцыі з боку ЭЗ і ЗША Расея ўвяла забарону на імпарт прадуктаў з Эўразьвязу. Пад забарону трапіла найперш эўрапейская садавіна.
Але Беларусь завозіць у Расею ня толькі садавіну, але і морапрадукты, хоць мора ня мае. Беларускія крэвэткі, аднойчы заўважаныя на паліцах расейскіх крамаў, сталі мэмам.
Садавіну і гародніну зь Беларусі безь фітасанітарных сэртыфікатаў і ўсіх неабходных суправаджальных дакумэнтаў Рассельгаснагляд затрымлівае на мяжы і зьнішчае яе.
ГЛЯДЗІЦЕ ТАКСАМА: Колькі беларускіх прадуктаў забракавалі ў Расеі ў 2019 годзе ГЛЯДЗІЦЕ ТАКСАМА: Што зь беларускімі крэвэткамі? Як Беларусь прадае ў Расею тунца, камбалу і каракаціц ГЛЯДЗІЦЕ ТАКСАМА: Насуперак Рассельгаснагляду. Якую імпартную садавіну Беларусь перапрадае ў Расею. ІНФАГРАФІКА