У аэрапорце Барсэлёны Эль-Прат адбыліся сутыкненьні паміж паліцыяй і прыхільнікамі незалежнасьці Каталёніі, паведамляе El Pais. Паводле зьвестак выданьня, сама меней 78 чалавек зьвярнуліся па дапамогу да мэдыкаў.
Пратэстоўцы прайшлі маршам да аэрапорта Барсэлёны і спрабавалі заблякаваць яго на знак пратэсту супраць прысудаў Вярхоўнага суду лідэрам каталёнскіх незалежнікаў, якіх 14 кастрычніка асудзілі да тэрмінаў зьняволеньня ад 9 да 13 гадоў.
VÍDEO Els @mossos carreguen amb molta duresa contra els manifestants. Es disparen extintors i hi ha diverses persones ferides; imatges de @martiurgell https://t.co/AZpgD5soRm #SentènciaProcés pic.twitter.com/vKZQhiJYJQ
— NacióDigital (@naciodigital) October 14, 2019
Паліцыя ўжыла сілу, спрабуючы разагнаць пратэстоўцаў. Паводле дадзеных El Pais, большасьць параненых знаходзіліся ў першым тэрмінале аэрапорта. Чацьвярых шпіталізавалі.
Los manifestantes #Tsunamidemocratic hacen una hoguera #Aeropuerto #Barcelona #SentenciaDelProces pic.twitter.com/4lsEcJS8QD
— Alfonso Congostrina (@alfcongostrina) October 14, 2019
Было адменена больш за сто рэйсаў самалётаў.
Extintores, piedras y cargas en #Aeropuerto #Barcelona #SentenciaDelProces #Tsunamidemocratic pic.twitter.com/ly7F9Epwzo
— Alfonso Congostrina (@alfcongostrina) October 14, 2019
Паводле розных ацэнак, у пратэстах узялі ўдзел ад тысячы да некалькіх тысяч чалавек.
ГЛЯДЗІЦЕ ТАКСАМА: Чаму каталёнцы перакрываюць дарогі і чыгунку. Тлумачым пратэсты пасьля прысуду незалежнікам14 кастрычніка пратэстоўцы таксама перакрылі шэраг вуліц Барсэлёны, пяць рэгіянальных аўтадарог і чыгунку. Дэманстрацыі прайшлі і ў шэрагу іншых каталёнскіх гарадоў.
ГЛЯДЗІЦЕ ТАКСАМА: Каталёнскія палітыкі атрымалі турэмныя тэрміны