Падзеі 10 кастрычніка ў беларускай і сусьветнай гісторыі.
Дата дня
10 кастрычніка 1938 году ў ГУЛагу памёр Адам Бабарэка, беларускі пісьменьнік і літаратуразнаўца. Бабарэка распрацоўваў пытаньні літаратуразнаўства і эстэтыкі, дасьледаваў літаратурны працэс. Шэраг працаў прысьвяціў творчасьці Я. Коласа, М. Багдановіча, У. Дубоўкі, М. Чарота, З. Бядулі і іншых беларускіх пісьменьнікаў.
Рэдкалегія часопісу “Ўзвышша”. Сядзяць: Кузьма Чорны, Уладзімер Дубоўка, Кандрат Крапіва. Стаяць: Адам Бабарэка, Язэп Пушча. 1927 г.
Таксама ў гэты дзень
1577 — Магілёў і Мазыр атрымалі Магдэбурскае права.
1939 — падпісаная дамова паміж СССР і Літвой, паводле якой Літве адышлі Вільня і Віленская вобласьць.
2006 – пачала працу сацыяльная сетка «ЎКантакце». Падпісацца на vk-суполку Радыё Свабода можна тут.
2007 – брытанскі гурт Radiohead апублікаваў у інтэрнэце альбом «In Rainbows». Упершыню ў гісторыі музычны альбом можна было спампаваць за грошы, пры чым суму плацяжу кожны чалавек вызначаў самастойна.
2015 – адбыўся тэракт у турэцкай Анкары. Паводле афіцыйных дадзеных загінулі 102 чалавекі.
Пасьля тэракту ў Анкары
У гэты дзень нарадзіліся
1796 — Міхал Без-Карніловіч, беларускі гісторык, этнограф, вайсковы тапограф, генэрал-маёр.
1813 — Джузэпэ Вэрдзі, італьянскі кампазытар.
1930 — Гаральд Пінтэр, брытанскі драматург, ляўрэат Нобэлеўскай прэміі ў галіне літаратуры 2005 году.
У памяці
1640 — памёр Мікалай Трызна, дзяржаўны дзяяч Вялікага Княства Літоўскага.
1783 — памёр Людвік Грынцэвіч, беларускі архітэктар эпохі позьняга барока.
1833 — памёр Міхал Клеафас Агінскі, дзяржаўны дзяяч Рэчы Паспалітай, дыплямат, кампазытар.