Партыя БНФ вылучыла 50 кандыдатаў у дэпутаты Палаты прадстаўнікоў. Такое рашэньне было прынятае 21 верасьня на XIX зьезьдзе партыі ў Менску.
У Менску Партыя БНФ вылучыла 16 кандыдатаў, у Віцебскай вобласьці — 7, Магілёўскай і Гарадзенскай — па 6, у Менскай, Берасьцейскай і Гомельскай — па 5.
Перадвыбарная плятформа будзе распрацаваная кіраўніцтвам Партыі БНФ сумесна з кандыдатамі на аснове праграмы партыі.
Зарэгістраваныя кандыдаты вылучаць у акруговыя выбарчыя камісіі сваіх прадстаўнікоў з правам дарадчага голасу.
ГЛЯДЗІЦЕ ТАКСАМА: Ярмошына: «Паказваць бюлетэні назіральнікам ня будзем»На мінулых выбарах у Палату прадстаўнікоў партыя вылучыла 70 кандыдатаў, зь іх былі зарэгістраваныя 46.
Ад 8 верасьня ў Беларусі праходзіць працэс вылучэньня кандыдатаў ад партый, працоўных калектываў, а таксама праз збор подпісаў.
Агітацыя пачнецца 8 кастрычніка. Выбары ў Палату прадстаўнікоў пройдуць 17 лістапада.
ГЛЯДЗІЦЕ ТАКСАМА: Несумленна ў нечым нас вінаваціць за тое, што мы пайшлі ў выбарчую кампанію, — актывіст Вінярскі