Напярэдадні прыезду ў Ісьляндыю віцэ-прэзыдэнта ЗША Майка Пэнса ў сталіцы краіны Рэйк’явіку зьявіліся шэрагі вясёлкавых сьцягоў ЛГБТ-супольнасьці, а на руках палітыкаў — «бранзалеткі гонару».
Шмат якія ўстановы і кампаніі зьмянілі сьцягі перад сваімі сядзібамі на вясёлкавыя. Цэлы шэраг такіх сьцягоў вывесілі каля будынку IT-кампаніі Advania, насупраць рэзыдэнцыі, у якой затрымаўся Пэнс.
Pence was greeted in Reykjavík Iceland with a trove of rainbow flags and the Icelandic President and First Lady both wore rainbow bracelets. "We just felt the need to celebrate diversity today.” Hah! Nice cover. pic.twitter.com/qVmO21NKos
— Eliza Todd (@Smilynntodd) September 5, 2019
Прэзыдэнцкая пара Ісьляндыі Гудні Ёхансан і яго жонка Эліза Рыд апранула на рукі «бранзалеткі гонару ЛГБТ». Раней такую бранзалетку Гудні Ёхансан апранаў падчас сустрэчы з Уладзімерам Пуціным. Тое самае зрабілі многія прадстаўнікі ўраду.
Апрача таго, першая лэдзі апранула на сустрэчы белы касьцюм, што камэнтатары ўспрынялі як сымбаль — белы колер фэміністак. У падобныя касьцюмы апраналіся крытыкі Дональда Трампа, якія сьцьвярджалі, што ён не паважае жанчын. Перад прэзыдэнцкімі выбарамі ў ЗША так апраналася саперніца Дональда Трампа Гілары Клінтан.
Here’s a great example of why I’m proud to be from Iceland 🇮🇸Mike Pence is visiting the country and everyone is outraged. Mayor of Reykjavik, all the biggest firms and companies, everyone, they’re all flying the gay flag. All Pence will see everywhere on his visit is gay gay gay. pic.twitter.com/XemgBk7TjU
— Heklina (@Heklina) September 4, 2019
Віцэ-прэзыдэнт Майк Пэнс вядомы вялікай рэлігійнасьцю і вельмі кансэрватыўнымі поглядамі. Калі ён быў губэрнатарам Індыяны, то галасаваў супраць закону, які забараняў дыскрымінацыю па прыкмеце сэксуальнай арыентацыі і быў супраць службы прадстаўнікоў ЛГБТ-супольнасьці ў амэрыканскім войску.