Нацыянальны банк Беларусі плянуе пасьля 2020 году інфляцыю на ўзроўні 4%, піша БелТА са спасылкай на старшыню праўленьня Нацбанку Паўла Калавура.
«Нашая мэта на цяперашні і наступны год – 5%. Пасьля гэтага мы плянуем інфляцыю на ўзроўні 4%», – сказаў Калавур.
У 2018 годзе інфляцыя ў Беларусі склала 5,6%. Згодна з афіцыйным прагнозам Нацбанку, у 2019 годзе інфляцыя не перавысіць 5%, а паводле ацэнак Эўразійскага банку разьвіцьця — складзе 5,7%.
Міністэрства працы не індэксуе месячныя заробкі беларусаў, калі інфляцыя не перавышае 5%.
ГЛЯДЗІЦЕ ТАКСАМА: Лічба дня. За адзін паход у краму беларус траціць 13,8 рубля