Рада Бясьпекі ААН правядзе адкрытае паседжаньне 22 жніўня на запыт Расеі і Кітая, каб абмеркаваць тэставы пуск крылатай ракеты наземнага базаваньня, які правялі Злучаныя Штаты 19 жніўня, паведамляюць заходнія СМІ.
Расея аргумэнтавала свой запыт «заявамі чыноўнікаў ЗША аб плянах распрацоўваць і разьмяшчаць ракеты сярэдняга радыюсу дзеяньня», піша Reuters.
Выканаўца абавязкаў прадстаўніка Расеі пры ААН Дзьмітрый Палянскі заявіў, што мэта пасяджэньня — абмеркаваць «пагрозы», якія цягне за сабой тэставаньне ракеты ЗША: «Тэрміновасьць зьвязаная з тым, што існуе шмат пагрозаў... Мы стаім на парозе новай гонкі ўзбраеньняў, мы хочам абмеркаваць гэтае пытаньне».
ГЛЯДЗІЦЕ ТАКСАМА: ЗША выпрабавалі крылатую ракету наземнага базаваньня19 жніўня ЗША выпрабавалі першую крылатую ракету наземнага базаваньня з дасяжнасьцю больш за 500 кілямэтраў. Раней такая зброя была забароненая расейска-амэрыканскай дамовай, але 2 жніўня абодва бакі выйшлі зь яе.
Цяпер ЗША заяўляюць, што заклікаюць Расею да перамоваў пра новую дамову аб скарачэньні ядзерных узбраеньняў і таксама спадзяюцца на ўдзел у ёй і Кітаю. Пэкін ужо даў зразумець, што ня мае намеру абмяжоўваць сябе такой дамовай.
ГЛЯДЗІЦЕ ТАКСАМА: Расея абвінаваціла ЗША ў нагнятаньні ваеннай напружанасьціШто важна ведаць пра дамову аб ліквідацыі РСМД
ЗША 2 лютага пачалі выходзіць з Дамовы аб ліквідацыі РСМД. У адказ на гэта Ўладзімір Пуцін 2 лютага заявіў, што Расея прыпыняе ўдзел у дамове.
- Вашынгтон сьцьвярджае, што Масква парушыла дамову аб РСМД, стварыўшы і разгарнуўшы ракетную сыстэму 9М729. Цяпер Расея валодае 100 такімі ракетамі.
- Масква абвяргае ўсе абвінавачаньні, заяўляючы, што далёкасьць палёту ракеты 9М729 складае 480 кілямэтраў, што на 20 кілямэтраў менш за ніжнюю мяжу, вызначаную дамовай.