Аляксандар Лукашэнка абурыўся «празьмерным зацягваньнем сьледчых дзеяньняў» у праваахоўнай сыстэме, у прыватнасьці ў справе галоўнага інжынэра Менскага заводу колавых цягачоў Андрэя Галавача, якога апраўдалі пасьля больш як 4 гадоў у ізалятары, паведамляе БелТА.
«Я не разумею, як можна затрымаць чалавека, пасадзіць яго ў сьледчы ізалятар (нават не ў турму, а ў сьледчы ізалятар — розьніца зразумелая) і трымаць яго ў чатырох сьценах чатыры гады? Трымаць гэтага чалавека і потым празь недаказанасьць адпусціць. Справа ў тым, што гэта разбэшчанасьць праваахоўных органаў. І, у прыватнасьці, хутчэй за ўсё сьледзтва. Я з генэральным пракурорам буду разьбірацца, чаму ён так „наглядае“ за крымінальнымі справамі і за выкананьнем закону», — сказаў Лукашэнка.
ГЛЯДЗІЦЕ ТАКСАМА: Галоўнага інжынэра МЗКЦ, які адседзеў у СІЗА больш за 4 гады, апраўдаліЁн заявіў, што неўзабаве правядзе нараду з праваахоўным блёкам і абмяркуе «надзённыя пытаньні».
19 ліпеня Першамайскі раённы суд Менску апраўдаў па ўсіх выстаўленых абвінавачаньнях галоўнага інжынэра Менскага заводу колавых цягачоў (МЗКЦ) Андрэя Галавача, якога абараняла Вера Арэшка. 30 ліпеня Генпракуратура Беларусі абскардзіла апраўдальны прысуд галоўнаму Галавачу.
Былога галоўнага інжынэра Менскага заводу колавых цягачоў Андрэя Галавача затрымалі яшчэ ў траўні 2015 году. Асудзілі на 8 гадоў калёніі ўзмоцненага рэжыму за хабар у асабліва буйным памеры (180 тысяч рублёў), пасьля перагляду апраўдалі, але затрымалі праз новае абвінавачваньне.
ГЛЯДЗІЦЕ ТАКСАМА: «Не вінаваты». 5 «дзірак» у справе, з прычыны якіх апраўдалі галоўнага інжынэра МЗКЦ ГЛЯДЗІЦЕ ТАКСАМА: Генпракуратура абскардзіла прысуд галоўнаму інжынэру МЗКЦ, якога апраўдалі пасьля 4 гадоў СІЗА