Ва Ўкраіне будзе створаны сусьветны расейскамоўны канал, заявіў у інтэрвію агенцтву «Інтэрфаксу-Украіна» намесьнік старшыні Офісу прэзыдэнта Ўкраіны Кірыл Цімашэнка.
Паводле яго слоў, такі канал патрэбны Ўкраіне, каб «змагацца за ўкраінскія розумы на акупаваных тэрыторыях Данбаса і Крыму, а таксама розумы расейцаў у Расеі».
«Мы распрацавалі варыянт запуску ўкраінскага расейскамоўнага канала, які зможа пакрываць расейскамоўнае насельніцтва ва ўсім сьвеце», — сказаў Цімашэнка.
Ён адзначыў, што ў камандзе прэзыдэнта Ўладзіміра Зеленскага хочуць, каб гэта быў дзяржаўны канал.
«Але мы дамаўляемся з прыватнымі каналамі аб перадачы правоў на выкарыстаньне найлепшай прадукцыі», — сказал Цімашэнка.