Іх зьбіраюць на пастамэнт. Пра гэта сказаў лідэр кампаніі за ўшанаваньне пісьменьніка Андрусь Архіпенка.
Бюст паставяць на малой радзіме Алеся Адамовіча (1927–1994) у пасёлку Глуша ў Бабруйскім раёне. Дазвол на ўсталяваньне ад улады атрымалі. Плянавалася адкрыць помнік падчас фэсту «Глушанскі хутарок».
У сацыяльных сетках актыўна распаўсюджваюць інфармацыю пра збор грошай, у тым ліку заснавальнік парталу tut.by Юры Зісер.
На бюст аўтарства Гэніка Лойкі і Яўгена Білея ў 2018-м сабралі каля шасьці тысяч даляраў.
«У нас засталося прыблізна паўтара месяцы, каб усё зрабіць. Для пастамэнту выбралі самы танны з матэрыялаў — чорны карэльскі граніт», — кажа Андрусь Архіпенка.
Калі спалучыць адкрыцьцё бюста з фэстам, то не давядзецца аплачваць паводле новага парадку паслугі міліцыі, мэдыкаў і камунальнікаў. У Глушанскім сельсавеце Свабодзе сказалі, што дата правядзеньня фэсту яшчэ ня вызначаная.
ГЛЯДЗІЦЕ ТАКСАМА: 20 нечаканых фактаў пра Алеся Адамовіча. Сёньня яму споўнілася б 90 гадоўНа радзіме Адамовіча мусіць быць яшчэ і музэй
Бюст часова паставяць ля пасялковага Дому культуры. Калі ж у будынку старой аптэкі адкрыецца музэй Адамовіча, то бюст перанясуць да яго. На стварэньне музэю таксама зьбіраюць грошы.
У 2016 годзе гаварылася, што на рамонт будынка, які два дзясяткі гадоў пуставаў і цяпер у аварыйным стане, патрабуецца каля мільярда рублёў (53 тысячы даляраў). 5 тысяч даляраў, якія ахвяравала нобэлеўская ляўрэатка Сьвятлана Алексіевіч, складаюць больш як 90 адсоткаў ад усёй сабранай на дабрачынны рахунак сумы.