Дэпутатаў Вярхоўнай Рады можна будзе абраць у Менску і Берасьці

Архіўнае фота. На выбарчым участку падчас галасаваньня на мінулых парлямэнцкіх выбарах ва Ўкраіне, 2014 год

Архіўнае фота. На выбарчым участку падчас галасаваньня на мінулых парлямэнцкіх выбарах ва Ўкраіне, 2014 год

У пасольстве Ўкраіны ў Менску і ўкраінскім консульстве ў Берасьці 21 ліпеня будуць адкрытыя ўчасткі для галасаваньня на пазачарговых парлямэнцкіх выбарах, паведамляе сайт Цэнтральнай выбарчай камісіі Ўкраіны.

Выбары праходзяць паводле прапарцыйна-мажарытарнай сыстэмы: палова з 450 дэпутатаў Вярхоўнай рады абіраецца па партыйных сьпісах, палова — па аднамандатных акругах. Выбары не праводзяцца ў Крыме, які ў 2014 годзе далучыла Расея, а таксама ў раёнах Данецкай і Луганскай абласьцей, не падкантрольных украінскім уладам.

Цэнтрвыбаркам зарэгістраваў 22 партыі. Каб прайсьці ў парлямэнт, неабходна набраць як мінімум 5% галасоў. Згодна з рознымі апытаньнямі грамадзкай думкі, лідарам зьяўляецца партыя «Слуга народа» Дзьмітрыя Разумкова, якая падтрымлівае новага прэзыдэнта краіны Ўладзіміра Зяленскага.

ГЛЯДЗІЦЕ ТАКСАМА: Украіна за тыдзень да выбараў, якія завершаць зьмену ўлады: рэйтынгі і прагнозы