У цэнтры Менску зьявілася першая роварная дарожка на праезнай частцы. ФОТА

Разьметка на дарозе зробленая жоўтай фарбай. Каля дарогі паставілі знакі, якія пазначаюць, што паласа каля краю прызначана толькі для руху раварыстаў

Роварная дарожка пазначана на абодвух баках вуліцы Веры Харужай. Ад скрыжаваньня з вуліцай Куйбышава і амаль да скрыжаваньня з вуліцай Якуба Коласа

На скрыжаваньні вуліц Куйбышава і Веры Харужай усталявалі роварны сьвятлафор, які пакуль яшчэ не працуе. Дагэтуль перасячы дарогу тут можна было толькі па падземным пераходзе

Адмысловая паласа для руху раварыстаў праз скрыжаваньне

Вуліца Веры Харужай у бок Якуба Коласа

Роварная дарожка пачынаецца ня самым відавочным чынам

Аўтамабілісты працягваюць паркавацца на краі праезнай часткі

Раварысты вымушаны абʼяжджаць аўтамабілі па суседняй паласе

З боку Камароўскага рынку роварная дарожка пакуль упіраецца ў плот