На адкрыцьці II Эўрапейскіх гульняў у Менску 21 чэрвеня прысутнічаў прэзыдэнт не прызнанага афіцыйным Менскам Косава Хашым Тачы. Як піша БелаПАН, пра яго візыт беларускі бок не паведамляў.
На сайце прэзыдэнта Косава — якое Бялград па-ранейшаму лічыць тэрыторыяй Сэрбіі — гаворыцца, што Тачы прыбыў на цырымонію на запрашэньне прэзыдэнта Эўрапейскіх алімпійскіх камітэтаў Янэза Кацыянчыча, пад чыёй эгідай праходзяць спаборніцтвы.
«Узьняты наш сьцяг побач зь іншымі сьцягамі сьвету ў цэнтры Беларусі стаў нашай першай перамогай. Я ўпэўнены ў посьпеху нашай алімпійскай зборнай», — напісаў Тачы на сваёй старонцы ў сацыяльнай сетцы Twitter.
Majlinda and 11 other #Kosovo🇽🇰 athletes today begin the journey at European Olympic Games #Minsk2019. Rising #Kosovo’s🇽🇰 flag equally with other countries flags of the world in Minsk of Belarus, is our first victory. I am confident in the success of our Olympic team. Good luck! pic.twitter.com/hIn1PfT4Gz
— Hashim Thaçi (@HashimThaciRKS) June 22, 2019
Твіт, разьмешчаны раніцай 22 чэрвеня, суправаджаецца фатаздымкамі са стадыёну «Дынама», на адной зь якіх Тачы падтрымлівае сваю зборную падчас параду спартоўцаў. Увечары лідэр Косава апублікаваў фатаграфію з спаборніцтваў па дзюдо, на якіх удзельніца ад Косава алімпійская чэмпіёнка-2016 Мэйлінда Кальмэндзі заняла першае месца.
ГЛЯДЗІЦЕ ТАКСАМА: Прэзыдэнт Сэрбіі не прыйшоў на адкрыцьцё Эўрапейскіх гульняў, каб ня бачыць сьцяг КосаваУдзел Косава ў спаборніцтвах сталў прычынай дэмаршу з боку прэзыдэнта Сэрбіі Аляксандра Вучыча, які прыляцеў на адкрыцьцё Эўрапейскіх гульняў, але на цырымонію не пайшоў. У Менску ён сустрэўся з Аляксандрам Лукашэнкам, прэм’ер-міністрам Расеі Дзьмітрыем Мядзьведзевым і прэзыдэнтам Малдовы Ігарам Дадонам.
ГЛЯДЗІЦЕ ТАКСАМА: Ня толькі прэзыдэнт Сэрбіі: яшчэ адзін палітык учыніў дэмарш на Эўрапейскіх гульнях