Падзеі 25 чэрвеня ў беларускай і сусьветнай гісторыі.
Дата дня
Загадам расейскага імпэратара Мікалая I 25 чэрвеня 1840 году скасоўвалася дзеяньне Статуту Вялікага княства Літоўскага 1588 году на тэрыторыі Віленскай, Горадзенскай і Менскай губэрняў. На тэрыторыі Віцебскай і Магілёўскай губэрняў Трэці Статут ВКЛ дзейнічаў да 1831 году.
Такім чынам, на тэрыторыі Беларусі канчаткова ўводзілася заканадаўства Расейскай імпэрыі.
Таксама ў гэты дзень
1925 — у Сэйме Польшчы пасьля расколу Беларускага пасольскага клюбу заснавалі пасольскі клюб пад назвай Беларуская сялянска-рабочая грамада.
1940 — падчас Другой усясьветнай вайны Францыя была канчаткова акупавана Нямеччынай.
1941 — Фінляндыя ўступіла ў Другую ўсясьветную вайну на баку нацысцкай Нямеччыны.
1943 — габрэі ў Чанстахоўскім гета паднялі паўстаньне супраць нацыстаў.
1948 — падчас савецкай блякады Заходняй Бэрліну ў межах Халоднай вайны быў адкрыты паветраны мост, з дапамогай якога амэрыканская і брытанская авіяцыя забясьпечвала харчаваньнем насельніцтва гораду. Савецкая блякада працягвалася да 1947 году.
1950 — пачалася Карэйская вайна: Паўночная Карэя ўварвалася ў Паўднёвую; вайна цягнулася да 1953 году.
У гэты дзень нарадзіліся
1852 — Антоніё Гаўдзі, гішпанскі архітэктар.
1903 — Джордж Оруэл, англійскі пісьменьнік.
1905 — Пятрусь Броўка, беларускі грамадзкі дзеяч, пісьменьнік, паэт і перакладчык. У 1967–1980 гадах Броўка быў галоўным рэдактарам Беларускай савецкай энцыкляпэдыі, пераемніцай якой стала Беларуская энцыкляпэдыя.
Пятрусь Броўка. З фондаў БДАМЛМ
500 найлепшых кніг за 500 гадоў
У памяці
1943 — нямецкі журналіст габрэйскага паходжаньня Артур Гальдштэйн быў забіты ў Асьвенціме.
2009 — памёр Майкл Джэксан, амэрыканскі сьпявак і танцор.
2011 — памёр Раман Тармола-Мірскі, беларускі паэт.