Беларусы Амэрыкі падтрымалі прадстаўнікоў расейскай дыяспары Нью-Ёрку ў правядзеньні акцыі пратэсту «Свабоду палітвязьням» супраць рэпрэсій пуцінскага рэжыму, паведаміў у «Фэйсбуку» беларускі актывіст у ЗША Вадзім Васільеў.
«Праблема палітвязьняў застаецца актуальнай і для Беларусі. Сёньня ў беларускіх турмах і лягерах знаходзіцца дзевяць палітычных вязьняў», — заявілі арганізатары акцыі.
Акцыя прайшла 19 траўня ў гарадзкім парку Нью-Ёрку. Беларускія актывісты выйшлі зь бел-чырвона-белымі сьцягамі і плякатамі «Свабоду палітвязьням!».