16-гадовая беларуская сьпявачка Zena (Зінаіда Купрыяновіч) атрымала перадапошняе 25-е месца на міжнародным сьпеўным конкурсе «Эўравізія». Перамогу на конкурсе здабыў Дункан Лоўрэнс зь Нідэрляндаў.
Зінаіда Купрыяновіч — самая юная ўдзельніца Эўрабачання сёлета. Музыкай яна займаецца з 11 гадоў і ўжо ў 15-гадовым узросьце падпісала прафэсійны кантракт з расейскім прадусарам Віктарам Дробышам.
Фінальны рэйтынг удзельнкаў конкурсу пасьля галасаваньня гледачоў і журы выгдядае так:
ГЛЯДЗІЦЕ ТАКСАМА: «Эўравізія» пракамэнтавала гамафобныя намёкі ў эфіры БТУдзел Беларусі ў конкурсе азмрочыўся скандалам з дыскваліфікацыяй беларускага журы перад фіналам. Прычынай паслужыла тое, што беларускае журы агучыла, за каго галасавала ў паўфінале, а гэта забаронена правіламі «Эўравізіі».
Пасьля паўфіналу ў аўторак старшыня беларускага журы Валерый Прыгун сказаў Tut.by: «Мы вызначылі трох пераможцаў практычна аднагалосна. Увогуле, у першых шасьці або сямі месцах у нас амаль не было спрэчак. Яны пачаліся на 8-10-х месцах».
Акрамя таго, іншыя чальцы журы распавялі, якія краіны ім спадабаліся падчас паўфіналу. Цяпер гэты артыкул на Tut.by адсутнічае, але ў інтэрнэт-архіве захаваўся яго кэшаваны варыянт.
Штогадовы песенны конкурс Эўравізія сёлета праходзіў у ізраільскім Тэль-Авіве ў выставачным цэнтры «Ізраільскі цэнтар кірмашоў». Летась сьпявачка Нэта Барзілай прынесла Ізраілю перамогу.