Жыхары расейскага Екацярынбургу другі дзень запар пратэстуюць супраць будаўніцтва храму Сьвятой Кацярыны ў сквэры. Спачатку гэта быў мірны пратэст: гараджане гулялі і гралі на музычных інструмэнтах у сквэры. Пазьней пачаліся сутычкі і затрыманьні. Выданьне «Знак» паведамляе, што паліцыя затрымала мінімум пяцёх пратэстоўцаў.
Людзі расхіствалі і ламалі плот, якім абнесеная будаўнічая пляцоўка. Адну сэкцыю яны выкінулі ў раку.
Месца будоўлі абараняюць нарады паліцыі і АМАП.
В Екатеринбурге люди повалили ограждение, установленное ночью в сквере, где власти хотят построить храм. Но вскоре неизвестные с угрозами вытеснили протестующих, поставили забор обратно и остались его охранять https://t.co/5mHaQafa5l pic.twitter.com/fXSQAso8cE
— Настоящее Время (@CurrentTimeTv) May 13, 2019
Сутыкненьні ў Екацярынбургу пачаліся ўвечары 13 траўня. На Кастрычніцкай плошчы ля абласнога Тэатра драмы пачалося ўзьвядзеньне плота, агароджвалі тэрыторыю будаўніцтва 70-мэтровага храма св. Кацярыны, якую праваслаўныя лічаць заступніцай гораду. На акцыю ў абарону сквэра прыйшлі некалькі тысяч чалавек. Яны выступаюць супраць забудовы адной зь нешматлікіх зялёных зон у цэнтры забруджанага прамысловага гораду. Пратэст скончыўся сутычкамі. Жыхары Екацярынбургу зламалі плот, якім быў абгароджаны сквэр. Увечары мірны пратэст перарос у сутыкненьні зь людзьмі ў спартовай форме.
Улады Екацярынбургу 14 траўня правялі экстраную нараду, спрабуючы ўрэгуляваць канфлікт вакол будаўніцтва храму Сьвятой Кацярыны ў сквэры ў цэнтры гораду. Але па яго выніках заявілі, што падставаў для таго, каб спыніць будаўніцтва, няма.
ГЛЯДЗІЦЕ ТАКСАМА: Кампанія сэрбскіх знаёмцаў Лукашэнкі стаіць за высечкай менскага сквэру