Міністэрства фінансаў ЗША абвясьціла аб увядзеньні санкцый супраць 34 танкераў, якімі валодае ці кіруе вэнэсуэльская дзяржаўная нафтавая кампанія PDVSA.
Гэтыя танкеры дастаўляюць нафту за межы рэгіёну.
PDVSA — асноўная крыніца даходаў для бюджэту Вэнэсуэлы.
Акрамя таго, уведзеныя санкцыі супраць двух кампаній, якія займаюцца пастаўкамі вэнэсуэльскай нафты на Кубу, і танкера, які належыць ім.
Віцэ-прэзыдэнт ЗША Майк Пэнс паабяцаў узмацніць ціск на рэжым Нікаляса Мадура, а таксама на Кубу, якая аказвае яму падтрымку.
ГЛЯДЗІЦЕ ТАКСАМА: ЗША ўвялі санкцыі супраць ВэнэсуэлыПаводле Пэнса, які выступіў ва ўнівэрсытэце Райса ў Х’юстане, больш увагі будзе нададзена таму, каб даходы ад продажу нафты не траплялі ў рукі Мадура.
ГЛЯДЗІЦЕ ТАКСАМА: Мадура загадаў перанесьці ў Маскву сядзібу нафтавай кампаніі і закупляць у Расеі лекі і прадуктыГаворка можа ісьці аб узмацненьні жорсткасьці санкцый адносна нафтавага і фінансавага сэктараў Вэнэсуэлы.
«Злучаныя Штаты працягнуць аказваць увесь магчымы дыпляматычны і эканамічны ціск, каб дамагчыся мірнага пераходу да дэмакратыі», — адзначыў віцэ-прэзыдэнт ЗША.