Ва ўрочышчы Курапаты 25 сакавіка ўсталявалі фатапасткі. Так вырашыў Бараўлянскі лясгас пасьля некалькіх актаў вандалізму ва ўрочышчы.
На тэрыторыі ўрочышча зьмясьцілі каля 10 фатапастак. У разе ўчыненьня супрацьпраўных дзеяньняў сродкі фота- і відэафіксацыі дадуць магчымасьць вызначыць парушальнікаў.
Паводле Міністэрства лясной гаспадаркі, апаганеныя вандаламі помнікі прыведзеныя ў парадак.
ГЛЯДЗІЦЕ ТАКСАМА: СК завёў крымінальную справу за размаляваныя фарбай помнікі ў КурапатахСталінскія рэпрэсіі ў Беларусі
У Беларусі масавыя рэпрэсіі пачаліся яшчэ з прыходам да ўлады бальшавікоў — у 1917 годзе. А скончыліся, калі памёр Сталін — у 1953-м. Дасьледчыкі мяркуюць, што пад іх падпалі як мінімум 600 тысяч чалавек. Паводле іншых ацэнак гэтая лічба дасягае 1,4 мільёна. Але дакладныя лічбы не вядомыя — КДБ дагэтуль не раскрыла архівы. Беларусы лічацца трэцімі паводле колькасьці ахвяраў рэпрэсіяў у сталінскія часы.
Your browser doesn’t support HTML5
Сталінскія рэпрэсіі ў Беларусі — асноўнае, што трэба ведаць