У «Белнафтахіме» паведамляюць, што ад 24 сакавіка зноў мяняюцца цэны на паліва.
- АІ-92 будзе каштаваць 1,48 рубля;
- АІ-95 — 1,59 рубля;
- АІ-98 — 1,80 рубля;
- дызэльнае паліва — 1,59 рубля.
У «Белнафтахіме» тлумачаць, што ад пачатку 2019 году кошт расейскай нафты для беларускіх НПЗ у даляравым эквіваленце вырас на 9,9%. Рознічныя цэны на паліва за гэты час павялічаны ў сярэднім на 2,6%.
Гэта сёлета ўжо пятае падаражаньне. За мінулы 2018 год паліва падаражэла на 24–27 капеек — больш як на 20%. Падаражаньне адбывалася паступова: цэны расьлі на капейку-дзьве, але 27 разоў за год.