Як найменш восем чалавек загінулі ў Бразыліі ў выніку страляніны ў школе: пяцёра дзяцей, адзін з супрацоўнікаў і абодва нападнікі, якія застрэліліся.
Паводле відавочцаў, на тэрыторыю школы Raul Brasil у Сан-Паўлу ўвайшлі два чалавекі ў масках. У аднаго зь іх быў у руках пісталет, у другога — нож. Апынуўшыся ў будынку каля 9:30 раніцы па мясцовым часе, яны адкрылі агонь.
У бальніцы дастаўлены 23 чалавекі з агнястрэльнымі і іншымі раненьнямі.
🚨Tiroteio em Suzano/SPAté o momento, o governo do estado de São Paulo, confirmou a morte de cinco alunos e um funcionário da escola Raul Brasil, em #Suzano. Os assassinos teriam cometido suicídio no local. O governador João Doria esta à caminho da escola. pic.twitter.com/dSNgTCFDQR
— FaroldaBahia (@FaroldaB) March 13, 2019
Паводле паліцыі, нападнікі — падлеткі, былыя вучні школы.
На месцы здарэньня паліцыянты знайшлі рэвальвэр, арбалет, прадметы, падобныя на кактэйлі Молатава, і дрот.
Reuters адзначае, што свабодны продаж зброі ў Бразыліі забаронены, але на чорным рынку няцяжка яе набыць. У краіне вельмі высокі ўзровень злачыннасьці і самы высокі ўзровень забойстваў у сьвеце, але страляніна ў школах — рэдкая зьява. Апошні раз падобнае здарылася ў 2012 годзе, калі былы вучань застрэліў ў школе ў Рыё-дэ-Жанэйра 12 чалавек.