Кіраўнік парлямэнту Вэнэсуэлы Хуан Гуайдо, прызнаны ЗША і шэрагам іншых краін легітымным часовым прэзыдэнтам краіны, заклікаў міжнародную супольнасьць разгледзець «любыя меры», каб дамагчыся адхіленьня ад улады прэзыдэнта Нікаляса Мадура — пасьля таго, як ляяльныя Мадура паліцыянты і вайскоўцы сарвалі ў суботу спробу даставіць у краіну гуманітарную дапамогу з Калюмбіі і Бразыліі.
Гуайдо, які цяпер знаходзіцца ў Калюмбіі, таксама напісаў у твітэры, што ў найбліжэйшыя дні сустрэнецца з прадстаўнікамі замежных краін, якія падтрымліваюць яго. Для вызваленьня краіны, напісаў ён, неабходна спалучэньне «вонкавага і ўнутранага ціску» на рэжым Мадура.
Чакаецца, што ў панядзелак Гуайдо сустрэнецца з віцэ-прэзыдэнтам ЗША Майклам Пэнсам, які ў суботу зноў выступіў з заявай у падтрымку вэнэсуэльскай апазыцыі.
ГЛЯДЗІЦЕ ТАКСАМА: Вэнэсуэла разьлічваецца за беларускія харчыГуайдо і яго прыхільнікі ў суботу асабіста ўдзельнічалі ў спробе даставіць гуманітарную дапамогу з ЗША і Вялікабрытаніі ў Вэнэсуэлу. На мяжы, аднак, іх сустрэлі кардоны Нацыянальнай гвардыі, бо Нікаляс Мадура раней забараніў дастаўку гуманітарных грузаў у краіну. 23 лютага Мадура заявіў аб разрыве дыпляматычных стасункаў Вэнэсуэлы з Калюмбіяй. Як піша Reuters, ён абвінаваціў калюмбійскія ўлады ў дапамозе вэнэсуэльскай апазыцыі, якая спрабуе ўвезьці ў краіну гуманітарную дапамогу, і назваў гэта «атакай на Вэнэсуэлу».
Вэнэсуэльскія войскі, якія падтрымліваюць Мадура, закрылі межы з Калюмбіяй — а раней таксама закрыла межы з Бразыліяй. Вэнэсуэльская армія афіцыйна паведаміла аб разьмяшчэньні дадатковых войскаў на мяжы з Калюмбіяй.
ГЛЯДЗІЦЕ ТАКСАМА: Лаўроў: Расея зробіць усё, каб падтрымаць МадураАрганізацыя амэрыканскіх дзяржаваў не прызнала разрыву стасункаў, бо не прызнае Мадура законным прэзыдэнтам Вэнэсуэлы. Калюмбія ж пагадзілася з патрабаваньнем высылкі сваіх дыпляматаў з Вэнэсуэлы, часова закрыла межы з Вэнэсуэлай у раёнах, дзе адбыліся сутыкненьні.
Мадура не прапускае гуманітарную дапамогу
Тым часам, як піша Reuters, грузавікі з гуманітарнай дапамогай вярнуліся ў Калюмбію пасьля няўдалай спробы праехаць у Вэнэсуэлу. Вайскоўцы, ляяльныя Мадура, атакавалі калёну – прынамсі два грузавікі зь ежай і мэдыкамэнтамі былі спаленыя, яшчэ прынамсі два засталіся недзе на тэрыторыі Вэнэсуэлы.
Сутыкненьні нападалёк ад мяжы Вэнэсуэлы з Калюмбіяй, 23 лютага 2019
У сутыкненьнях на мяжы вэнэсуэльскі бок ужываў сьлезацечны газ і гумовыя кулі, а пратэстоўцы — камяні. Пацярпелі дзясяткі чалавек (паводле калюмбійскіх уладаў, 285 чалавек). Як перадае The Guardian, у сутыкненьнях на мяжы з Бразыліяй вэнэсуэльскія ўзброеныя сілы ўжывалі агнястрэльную зброю, параненыя прынамсі 18 чалавек і забітыя прынамсі чатыры.
El régimen usurpador se vale de los actos más viles e intenta quemar el camión con ayuda humanitaria que se encuentra en Ureña. Nuestros valientes voluntarios están realizando una cadena para salvaguardar la comida y las medicinas.La avalancha humanitaria es indetenible pic.twitter.com/bU2PPzSGcu
— Juan Guaidó (@jguaido) 23 февраля 2019 г.
Апазыцыйны лідэр Хуан Гуайдо, які абвясьціў сябе часовым прэзыдэнтам (і быў прызнаны такім ЗША, большасьцю краінаў Амэрыкі і Заходняй Эўропы) абяцаў забясьпечыць дастаўку гуманітарнай дапамогі ў краіну, нягледзячы на супраціў рэжыму Мадура. У суботу Гуайдо асабіста браў удзел у выпраўцы каравану грузавікоў з гуманітарнай дапамогай з калюмбійскага гораду Кукута.
ЗША па-ранейшаму падтрымліваюць Гуайдо
Пасьля правалу спробы даставіць гуманітарную дапамогу віцэ-прэзыдэнт ЗША Майк Пэнс прызначыў на панядзелак сустрэчу з Гуайдо ў Калюмбіі. Гуайдо тым часам заявіў, што просіць міжнародную супольнасьць разглядаць «усе варыянты», каб спыніць узурпацыю ўлады, паспрыяць працы пераходнага ўраду і правядзеньню свабодных выбараў.
We denounce Maduro’s refusal to let humanitarian assistance reach #Venezuela. What kind of a sick tyrant stops food from getting to hungry people? The images of burning trucks filled with aid are sickening. pic.twitter.com/bJ1Qsxkgx8
— Secretary Pompeo (@SecPompeo) 24 февраля 2019 г.
Дзяржаўны сакратар ЗША Майк Пампэо, як перадае Associated Press, заклікаў вэнэсуэльскія органы бясьпекі «зрабіць правільную рэч» і прапусьціць гуманітарную дапамогу, а таксама абараніць мірных жыхароў ад «узброенай банды» Мадура.