Свабода падлічыла тэлефонныя размовы Аляксандра Лукашэнкі за 10 гадоў па інфармацыі з ягонага афіцыйнага сайту. У лідэрах — Расея, Украіна і Казахстан.
Прэс-служба Аляксандра Лукашэнкі сьцісла пераказвае ягоныя афіцыйныя тэлефонныя размовы зь лідэрамі розных краін. За 10 гадоў найбольш размоваў было з кіраўніцтвам Расеі — усяго 36. Размаўляць даводзілася з Уладзімірам Пуціным і Дзьмітрыем Мядзьведзевым. Асноўная і галоўная тэма — узаемны гандаль.
На другім месцы — Украіна. Зь лідэрамі гэтай краіны — а за 10 гадоў гэта былі і Віктар Юшчанка, і Віктар Януковіч, і Пятро Парашэнка — адбылося 11 тэлефонных размоў.
На трэцім месцы — Казахстан. Усе 10 размоў вяліся з Нурсултанам Назарбаевым.
Зь лідэрамі Азэрбайджану, Вэнэсуэлы, Сэрбіі, Армэніі, Туркмэністану Лукашэнка гаварыў па тэлефоне па 3 разы за 10 гадоў.
Два разы ў Аляксандра Лукашэнкі адбыліся перамовы з кіраўніцтвам Малдовы.
Па адным разе ён правеў тэлефонныя перамовы зь лідэрамі Кіргізстану, Ізраілю, Аўстрыі, Аўганістану, Гішпаніі, Пакістану, Таджыкістану.
ГЛЯДЗІЦЕ ТАКСАМА: «Рухаемся наперад». Што казаў Лукашэнка пасьля васьмі сёлетніх сустрэч з Пуціным ГЛЯДЗІЦЕ ТАКСАМА: Пуцін і Лукашэнка сустрэнуцца 13 лютага ў Сочы, абмяркуюць «паглыбленьне інтэграцыі»